MA-WEES ’N MIRACLE
Nog voor sy regtig kon besluit of sy eendag wou kinders hê, is Jodi Samuels (27), ’n skool-assistent van Kraaifontein in die Kaap op 17 deur ’n fratsongeluk van daardie keuse beroof. Of só het dokters gedink …
Dokters het destyds vir haar gesê die kanse is skraal dat sy ooit kinders van haar eie sal hê, maar toe word sy wonderbaarlik nie een keer nie, maar twee keer, swanger.
Albei geboortes was egter traumaties en toe word groeisels boonop in haar baarmoeder gevind, waarvan een kankerselle bevat het, maar Jodi het uiteindelik die oorlog teen haar eie liggaam gewen. En die Here het keer op keer gewys Hy kom deur vir haar wanneer dinge op hul donkerste lyk.
“Ek sê nie moenie na dokters luister nie. Hulle is blessings en talentvol en werk hard. Ek sê net, as die Here ’n plan het, sal Hy ’n manier vind om dinge te laat uitwerk … Jou destiny is geskrewe,”vertel sy.
En soos wat sy in haar lewe geleer het, is die pad wat mense vir jou voorspel, nie noodwendig die een wat God vir jou in gedagte het nie. Nie tragedie of vreemde gesondheidsprobleme kan dít wat Hy vir jou beplan, in die wiele ry nie.
’n Mens sou verwag dat iemand wat soveel trauma beleef het en soveel gesondheidsuitdagings moes deurgaan, dalk ’n emosionele wrak moet wees wat soms wonder of ’n kind soveel moeite werd is, maar Jodi het ’n
