WARE LEWENSDRAMA
Toe hulle 12 jaar gelede getroud is, wou hulle dadelik met ’n gesin begin. Min het dié Kaapse paartjie geweet watter hartseer en pynlike draaie die lewe met hulle sou stap voor hulle uiteindelik hul reënboogbaba – ’n skattige krulkopdogtertjie – in hul arms sou vashou.
Toe Vanessa Adolph (46) trou, het sy al ’n operasie ondergaan vir verligting van chroniese endometriose. Sy en haar man, Allistair (41), wou juis dadelik met ’n gesin begin omdat hulle gevrees het hul pad na ouerskap sou dalk moeilik wees, vertel dié Kraaifonteiners.
Dit sou 11 pynlike jare van vrugbaarheidsbehandelings en 10 embrioinplantings verg om uiteindelik hul eie babatjie te kon vashou. Vandag is hul Alissa’tjie 10 maande oud, maar die pad tot hier was bittermoeilik…
Vanessa is in 2011 met endometriose gediagnoseer. Dit beteken die weefsel vantrium) groei buite die baarmoeder. Baie vroue ervaar pyn, depressie en moegheid, en hulle sukkel om swanger te raak. Die uitsny van die weefsel is nie ’n kuur nie, maar dit kan verligting bring.
