MENINGS OOR STORIES OP HUISGENOOT.COM
1 MA IS IN HEGTENIS NÁ KINDERS SE DOOD
Graham Dickason het op die lyke van sy drie dogtertjies afgekom en sy vrou, Lauren, word aangekla van hul moord
Ons bid aanmekaar vir dr. Graham Dickason daar in Nieu-Seeland. Hy is die beste dokter wat ek ken. Hy het soveel omgee en sagtheid in hom vir sy pasiënte. Wat ’n voorreg om hom eens te kon ontmoet en deur hom behandel te word.
MARIKA
Ek hou albei ouers en families in my gebede. Ek kan nie ’n oordeel vel nie, want ek weet nie wat in die ma se gemoed aangegaan het nie. Ek weet wel daar is geen groter liefde as dié van ’n moeder s’n nie. Iets het verskriklik skeefgeloop.
VALERY
Net daardie mamma sal weet hoekom en wat deur haar kop gegaan het. Dit kan nie maklik vir haar of die pappa wees nie. Ek bid vir vertroosting vir daardie pappa en dat Jesus hulle in hierdie moeilike tyd sal dra.
