Wat is dan so lekker?
Omdat ek vroeër gemeen het dit is moontlik om dié intense, nimmereindigende genot in woorde te beskryf, het ek gewoonlik begin by die storie van die olifant…
Omdat die Zambiese doeaneman so gekarring het met ons bagasie, is ek en Dave Briggs eers laatmiddag deur die Beitbrug-grenspos. Dave op’n K75, ek op my ou R1100GS. Ons moes voor sononder by Kariba wees, want in die noorde van Zimbabwe ry jy nie in die donker op’n motorfiets nie. Dis bokke en bosvarke, beeste en perde – om van voetgangers nie eens te praat
