Johannesburg
Die Hoëveldse donderstorm laatmiddag was heel aanskoulik, maar nou raak die Southern Sun-hotelkamer benoud. Daar moet iewers in hierdie plek ’n kroegie of stoep wees waar ek met ’n leesboek die tyd tot aandete kan verwyl.
Die hysbak gly geluidloos ondertoe waar ’n robotstem ietwat verbaas aankondig: “Ground… floor.” Wat het ons hier? Die ingangsportaal is vol groepies gaste wat met ’n drankie in die hand hulleself aan eetgoed help. Is ek ongenooid by ’n private
