Die hysbakdeure skuif byna geruisloos oop… Vir die siggestremde man met die donkerbril en sy goedversorgde labrador, Lady, is dit nou al tweede natuur om soggens, smiddaeen selfs saans die hysbak te gebruik sodat hy ‘n drankie in die private pub vir VIPs op die grondvloer kan geniet. Nou is hy op pad kamer toe.
Dis sy tweede week in Suid-Afrika. Oor ‘n paar dae moet hy en sy musiek groep weer terug vir hul volgende toer. Hy vind dat die Suid-Afrikaners ná 1994 nogal meer toegeeflik is. Hoewel hy nie hul gesigte kan sien nie, kan hy die positiewe vibrasies deur die res van sy sintuie aanvoel. Sy blindheid het as't ware veroorsaak dat sy oorblywende sintuie ekstra sensitief geword het. Wat die Suid-Afrikaners blykbaar nóú ondervind,
