MY SWAAR JARE VOOR OEFEN-ROEM
HY WAS voor die covidpandemie al taamlik gewild, maar toe byna die hele wêreld ingeperk word, het Joe Wicks mense van hul rusbanke laat opstaan om hurksitte en maagoefeninge te doen. Skielik het almal sy gratis aanlyn PE with Joe-oefensessies gevolg.
Kinders het dit gedoen. Ouers ook. Hy het briewe gekry van mense wat in versorgingstehuise woon en dit doen. Die dokumentêre rolprentmakercellent Louis Theroux het dit gedoen, nes Jamie Oliver en sy gesin. Ek het dit ook gedoen tot ek daarmee opgehou het. (Maar ek sal môre weer begin …) Hy het ’n Guinness-wêreldrekord opgestel vir ’n regstreekse gestroomde You-Tube-fiksheidsoefensessie met die meeste kykers (955 815), maar hy’s so goedhartig dat hy die advertensie-inkomste daaruit – R12 miljoen – vir liefdadigheid geskenk het.
Geen wonder koningin Elizabeth het hom in haar verjaardag-erelys ingesluit en hom ’n MBE (Member of the Most Ex Order of the British Empire) gemaak nie. Dit het nog nie heeltemal by Joe ingesink nie.
‘EK WAS ’N RE-BELSE KIND WAT IN ’N MUNISIPALE BEHUISINGSKOM-PLEKS GROOT-GEWORD HET’
“Dis mal. Ek was altyd ’n rebelse kind wat in ’n munisipale behuisingskompleks grootgeword het,” sê hy.
En hy het baie vrae daaroor. Sal hy dit by die koningin self ontvang, vra hy my. En as hy net een mens kan saamneem, moet dit sy vrou of sy ma wees?
Toe ek vir ons afspraak in Londen opdaag, is hy reeds daar. Dit laat my
