MENINGS OOR STORIES OP HUISGENOOT.COM
1 ‘EK SOEK NOG STEEDS ’N MAATJIE’
Boer Kobus van Boer soek ’n vrou ontken dat hy nie ernstig daaroor was om liefde in dié maatsoekprogram te vind nie, ná kwaai kritiek van kykers
Al probleem met Kobus is dat hy ná sy vrou se dood nog nie genees het nie. Hy soek sy vrou in ander vroue, en dis nie maklik nie. Die regte vrou vir hom sal nog op die regte tyd kom. Sterkte, Kobus.
SUSAN
Susan, ek moet heelhartig met jou saamstem. Ek verstaan nie hoekom mense nou skielik so lelik is met boer Kobus nie; dit is baie duidelik dat hy nog nie oor sy vorige vrou is nie. En dis mos sy goeie reg.
BT ZIETSMAN
BT Zietsman, ’n mens kom nooit regtig oor jou eerste liefde wat oorlede is nie. Jy probeer met jou lewe aangaan, maar dis moeilik; jy sal nooit weer kry wat jy gehad het nie. Dis hoekom ek altyd ’n weduwee sal bly.
