’n Pa se verstaan
DIT is stil. Doodstil.
Die straatlig voor die winkel flikker aan en af. Sam probeer om nie direk daarna te kyk nie. Hy sien die flikkering uit die hoek van sy oog. Nou moet hy net sy tydsberekening reg kry.
Toe die lig weer afgaan, beweeg Sam na die volgende boomstam. Hy maak sy lyf so dun moontlik sodat hy nie sigbaar is van die pad af nie. Met die volgende flikker doen hy dieselfde.
Sy asem hort in sy keel.
Hy is nou naby die ingang na die winkel. Hy sien die rye en rye goedere. “So baie goed en ek wil net een blik melk hê,” dink hy met ’n wrang glimlag.
Sedert die inperking begin het en hy nie meer in meneer John se tuin kan werk nie, gaan dit maar beroerd. Hierdie covid-verpesting het almal se lewe kom omkrap. Hy het al selfs vir meneer John deur SMS
