Stevie
“Jou dom tééf!” Pappa sê “teef” altyd so hard wanneer hy vir Mamma kwaad raak. Sy hele gesig trek so skeef en lelik en die spoeg spat van sy lippe af. Hy slaan op die tafel en sy vurk spring van sy bord af, smeer’n oranje pampoenstreep oor die wit tafeldoek. Ek en Mamma het dit vanoggend gewas, want Maandag is wasdag.
“Ek het net gedink …”
“Dis jou hele probleem. Jy dink!” Pappa slaan weer op die tafel en tref sy glas brandewyn. Dit breek en Mamma maak’n geluid soos Liela altyd gemaak het as sy onder Pappa se voete beland het. Ek mis my hondjie.
Die brandewyn maak’n ligbruin kol op die tafeldoek wat al hoe groter word.’n Rooi druppel val daarop.
“Kyk wat het jy my nou laat doen!” Die glas het Pappa se hand gesny.
Mamma spring op
You’re reading a preview, subscribe to read more.
Start your free 30 days