RED JOU LEWE
Denise Arendse* (54) van Boston, Bellville in die Kaap, werk al jare van die huis af en is op die oog af ’n gebalanseerde, gelukkige mens. Sy loop egter met ’n donker geheim rond. Haar drankprobleem is besig om in so ’n mate handuit te ruk dat sy nie weet hoe sy dit veel langer kan wegsteek nie.
Vir jare kon sy daarmee wegkom om saans een of twee drankies te drink. Maar deesdae stop sy selde by vyf of ses – iets waarmee sy kan wegkom, omdat haar man ná ’n harde dag se werk vroeg gaan slaap.
Daarmee saam het sy skielik ná jare ook weer die drang ontwikkel om te dobbel. Haar man is salig onbewus daarvan dat sy gereeld by GrandWest
