Geheime, intrige, boeiende storielyne…In Januarie het die kameras begin rol naby Franschhoek op die stel van e.tv se eerste plaaslik vervaardigde Afrikaanse daaglikse drama, en op 6 Mei maak dié nuutjie, Kelders van Geheime, sy TV-debuut.
Dit draai om die wel en weë van drie gesinne wat hul brood en botter – en ‘n glas wyn! – verdien op die Kaapse wynplaas Soebatskloof. En dié einste gesinne sit nie altyd langs een vuur nie…
Van Afrikaanse veteraanakteurs soos Cedwyn Joel en Vinette Ebrahim in die rolverdeling, tot vars nuwe gesigte en talent beloof dié daaglikse drama (‘n kruis tussen ‘n telenovela en ‘n sepie) om jou aand ná aand te boei. Hier is als wat jy moet weet.
GEHEIME WORD OOPGEVLEK
Die reeks is geskep deur (wat in Junie groet), en Karen Meiring. “e.tv het nuwe Afrikaanse inhoud vir die kanaal gesoek, en daar is gevra of ek en Karen sou belangstel om ‘n voorlegging te doen,” vertel Theltom.