Water langs die pad
Toe ek en Matie daardie Julie-oggend baie vroeg my geel Datsun 1400-bakkie se neus in die pad stoot, het die ryp nog spierwit gelê. Dit was snerpend koud, en toe ons op Mount Pleasant afklim, het fyn kapok van ’n paar dae tevore nog op die Nardousberg gelê. Die windjie het deur murg en been gesny.
Ek was amper lus en sit die .243 weer terug in sy sak en ry huis toe, maar julle wat jagtersbloed in die are het, sal weet
