Ons vriend en uitgewer van hierdie tydskrif, Anton Willemse Sr, is ‘n volwaardige avontuur-junkie en al wat hy wil doen, is reis en ontdek. Sy passie vir 4x4 voertuie en landreise het dit maar moeilik gemaak om hom te oortuig om ‘n staproete by die inhoud in te werk. Wat dié tydskrif egter so uniek maak, is juis die verskeidenheid van die inhoud – van voertuig resensies, plaaslike avonture, landreis avonture en selfs graskamp – wat gedek word.
Avontuur bly egter die kern van die tydskrif en watter groter avontuur is daar as om die bos te voet in te vaar, in die spore van grootvoete deur droë rivierlope te stap en om die veld te ruik, te voel en so na aan die natuurskoon te wees vir ‘n heel nuwe perspektief? Om die grootsheid van die skepping in die eenvoud van jou stapskoene te ervaar?
Stap klink altyd soos moeite, maar as ‘n mens eers jou eerste staproete voltooi het, los die gogga jou selde. Vir
