Keuse is dikwels allermins vry
Waarom bestaan Satan? Hoekom word hy toegelaat om alewig kwaad te doen? Die almagtige liefdevolle Opperwese van wie ons leer kon hom mos lankal met vuur en swael in sy peetjie in verdelg het. Eindelose sonde en smart kon almal gespaar gebly het. Trouens, as die Skepper alles gemaak het, is die Duiwel geskape, of ten minste toegelaat om te ontstaan. ’n Alwetende Oubaas (of Ounooi) moes tog weet wat die ou swernoot sou aanvang.
Dalk wil die Bybel (en ander heilige boeke) ons leer om tussen goed en kwaad te kies. Sonder enige keuse – net dood goed en goed dood – sou die konsep van “die Here jou God liefhê met jou hele hart, siel en verstand” – weinig sin maak. Liefde sou outomaties, klinies en koud wees. Ons
