GRENDELTYD: Eet jou aartappels met vreugde
Die mens se gees oorwin as hy elke dag sy aartappels met vreugde eet.
Só eindig Lina Spies se roerende gedig “Vir Anne Frank van Het Achterhuis” in die digbundel Die Agterhuis.
Die aangrypende verhaal van Anne Frank, wat saam met haar gesin en ander in selfopgelegde grendeltyd tydens die Tweede Wêreldoorlog weggekruip het, is welbekend.
Sowat 32 jaar gelede het ons as gesin ook ’n onnatuurlike grendeltyd beleef. Die drie kinders was maar agt, vyf en vier jaar oud.
Die Oranjerivier het tydens die 1988-dub-belvloed sy oerlope met alle mag teruggeëis. Ons het op Skanskopeiland, een van die eilande in die Oranjerivier by Keimoes in die Noord-Kaap, geboer, en was een van vele gesinne wat die volle krag van dié ou grote beleef het.
Terwyl die mans probeer het om soveel
