Watter strategie is beste vir SA?
Dit is ’n gemeenplase dat Suid-Afrika lesse moet leer uit die manier waarop die Covid-19-pandemie in die res van die wêreld hanteer word.
Die groot vraag is egter watter lesse is daar wat geleer moet word. En leer ons die regte lesse? En is daar net een regte antwoord?
Sover ek kan sien, is daar op die oomblik breedweg drie strategieë wat wêreldwyd gevolg word om die katastrofiese verspreiding van die virus te bekamp. Van hulle kan natuurlik in kombinasie toegepas word. Hulle is:
■ Om soveel moontlik van die bevolking te toets vir die virus.
■ Inperkingsmaatreëls wat die vrye beweging van die bevolking dramaties in-perk om die verspreiding van die virus onder die bevolking te bekamp; en
■ Om die bevolking toe te laat om groepsweerstand te ontwikkel, met ander woorde laat soveel mense as moontlik toe om die siekte op te doen in die hoop dat die infeksiekoers sal afplat omdat die moontlike gashere vir die virus minder word.
Die vraag is egter wat die beste roete of kombinasie van strategieë is. Die antwoord is natuurlik kritiek noodsaaklik vir Suid-Afrika met sy groot getal MIV-vigsen tuberkulosegevalle.
Die beste voorbeeld
