Die virus: Meer modelle as op ’n modeskou in Milaan

Om sin te maak van die verskillende modelle wat die toekoms van die Covid-19-pandemie pro-beer voorspel is genoeg om selfs die mees toegewyde kenner van die pandemie hoofbrekens te besorg.

In die eerste plek is daar meer modelle as wat jy op die loop-plank van ’n modeskou in Milaan sal kan inpas. En elkeen van hulle kyk na verskillende aspekte van die pandemie en kom tot verskillende gevolgtrekkings.

Sommige is nuttig en as die modelbouers hul aannames noukeurig uiteensit en verskeie scenario’s aanbied, kan dit ons help om ’n beter begrip van die moontlike trajekte