’n Slang wat in jou bed inseil

So 20 jaar terug sit ek op ’n Sondagoggend die koerant en lees toe iemand aan die voordeur klop. Toe ek oopmaak, staan daar ’n vreemde man. Ek onthou ’n pyp. Hy stel homself as Esmé voor. Ek besef toe eers dis ’n vrou.

“Is jy Herman?” vra sy. Sy het ’n storie om vir my te vertel. My buurvrou is haar niggie. Ek laat haar binnekom. Sy sit.

Toe Esmé van Zijl (toe 46) daardie oggend vir my vertel hoe haar oom Imker Marais Hoogenhout haar as kind verkrag het, het haar storie my geknak.

Dié dade het (destyds) meer as 40 jaar terug gebeur. Hoogenhout was op sy dag ’n diplomaat en ’n grootkop in die sakewêreld. Iemand wat respek in hoë kringe afgedwing