ROELOF vang die lig vas

Impressionisme is die geboorte van lig in ’n skildery, het die Franse kunstenaar Robert Delaunay eens op ’n tyd gesê. Met Delaunay se woorde in gedagte, verstaan jy beter wat Roelof Rossouw bedoel wanneer hy verduidelik dat lig die ding is wat hom aanpor om te skilder.

Hy beskou homself as ’n skilder van lig en skaduwee en sal byna nooit ’n toneel skilder waarin daar nie ’n bietjie sonlig is nie. Suid-Afrikaanse kunstenaars wat hom nog altyd geïnspireer het, is mense soos Pieter Hugo Naudé, Pierneef, Gregoire Boonzaier en Adriaan Boshoff.

Roelof se pad om te kom tot waar hy vandag ’n gerekende impressionistiese skilder is, het baie kinkels en draaie gehad. Kleintyd al het hy begin om vliegtuie te teken. Hy het in Benoni grootgeword en een van die plekke waarheen sy ouers hom gereeld geneem het, was na die lughawe