COBUS VAN BOSCH
Vlymskerp emosie
Cobus is ’n plaaslike mesmaker en skilder. Dié nabyskoot is van ’n ongetitelde olieverfskildery uit sy reeks Quarantine, wat bestaan uit meer as 30 skilderye wat hy gedurende die Covid-19-inperkingstyd gemaak het. Die skilderye is vol emosie. Baie van hulle kyk tematies na paternalisme en die manlike oorheersing van ons tyd, en laat die kyker dikwels met meer vrae as antwoorde – soos dit goeie kuns betaam. (Lees ook ons storie op bl. 62.)
DI VAN DER RIET-STEYN
Skitterend
Di is ’n juweliersontwerper wat al meer as 20 jaar op Prins Albert woon. Voordat sy hier kom nesskop het, het sy in Brittanje en Duitsland gewerk. Sy hou daarvan om met optelgoed te werk – haar versameling Karoo Blues is waarlik skouspelagtig! – maar sy werk ook met konvensionele goud, diamante en ander blink goed. Jy kan haar klaargemaakte stukke in die ateljee koop óf saam met haar sit en ’n unieke, eenmalige stuk ontwerp.
Di Smith se ateljee op Prins Albert is ’n wonderwêreld van kuns, met enigiets van olieverfskilderye van