WAT PEDIATERS WIL HÊ JY MOET WEET
Jong pasiëntjies kan dikwels nog nie praat nie en dié wat kan praat, is baie keer onseker wanneer hulle by die pediater se deur instap. En anders as ander dokters moet pediaters nie net met hul pasiënte kan werk nie, maar ook met die kleingoed se ma en pa. Jy kan dit egter vir jou pediater – én vir jou – makliker maak. Hier is wenke uit die perd se bek wat dié belangrike verhouding sal laat blom.
DIE PEDIATERS VERTEL
DIE DOKTER IS GAAF
Dr. Willem Smit, ’n pediater in die noordelike voorstede van Kaapstad, sê ouers moet nooit hul kinders met die dokter dreig of voor die afspraak vir hulle vertel die dokter gaan hulle inspuit nie.
“Moet veral nie vir hulle sê ‘die dokter gaan raas as jy nie stilsit nie’! Dis baie moeilik om ’n kind te ondersoek wat vir jou bang is.”
Sy praktiese raad is dat jy jou kind op jou skoot hou met sy gesig na die dokter toe. Dis byna onmoontlik om kinders te ondersoek wat met hul rug na die dokter gekeer is.
Willem vermoed ook baie ouers sê vooraf vir hul
