Vind só ’n Mary Poppins
Die konsep van ’n kinderoppasser (nanny) wat bedags na jou baba of peuter kyk, is glad nie vreemd in Suid-Afrika nie. Maar midde-in die Covid-19-pandemie is daar ál meer ouers wat eerder hierdie roete wil, of moet, volg. Party wil nie die risiko waag om hul kind terug te stuur kleuterskool toe nie omdat hulle glo dit stel hul kinders onnodig bloot. Ander kan nie hul kinders terugstuur nie, onder meer omdat baie kleuterskole se ure verkort is terwyl ma en pa se werksdag steeds tot 17:00 duur.
Maar hoe kies ’n mens die regte persoon om jou kind te versorg wanneer jy nie daar is nie?
