Ontmoet die mense

P.J. Sabbagha en Athena Mazarakis

Onderskeidelik artistieke en uitvoerende hoof, en ontwikkelingsbestuuder van The Forgotten Angle Theatre Collaborative

P.J. Sabbagha was in 2005 die wenner van Standard Bank se Jong Kunstenaarkompetisie vir dans. Hy het sy teatergroep in 1995 begin en werk sedert 2015 op sy ouers se plaas buite Machado. “Toe my pa-hulle die plek 40 jaar gelede gekoop het, het alles uitmekaargeval,” vertel P.J. “Ons het altyd oor naweke of vakansies hiernatoe gekom en dan onder ’n groot ou eikeboom in die woonwa gebly.”

’n Paar dinge het gelei tot die skuif uit Johannesburg, veral befondsing vir landelike ontwikkeling. “Ons het moeg geword van die egosentriese bedryf en die rugstekery – almal ding mee om dieselfde hulpbronne om dieselfde ding te doen,” sê hy. Hier het hulle die Community Builders-dansopleidingsprogram vir plaaslike jong mense én ’n nasionale jeugleierskapprogram.

Om ’n teatergeselskap op ’n plaas te bedryf is nie sonder uitdagings nie. Elke dag word hulle geduld beproef deur dinge soos afstand, die internet en die grondpad. “Baie lorries neem dié pad Dullstroom toe sodat hulle nie tolgeld hoef te betaal nie, en veral as dit reën, dolwe hulle die pad behoorlik om… en dan is ons gestrand,” vertel P.J. met ’n glimlag. “Maar ons weet al hoe om in die modder te bestuur!”

Athena erken die slegte paaie het ’n invloed op die program wat hulle elke jaar vir ’n spesiale geleentheid uitwerk. Die vyfde My Body My Space-openbare kunstefees, wat in April op verskillende plekke in die munisipale gebied gehou is, het kunstenaars van reg oor die wêreld gelok. “Die fokus is om kritieke maatskaplike kwessies in die openbare ruimte te plaas,” sê P.J. “Ons probeer nié om Machadodorp of enige van sy uitdagings weg te steek nie.”

“Ons doen dit voor die winkelfasades wat gesluit is of besig is om te verkrummel,” voeg Athena by. “Die roete het vanjaar verby die ysterwarewinkel geloop