Ontmoet die mense
Martie en Shawn Smuts
Marlotti Farm Venue
Martie het grootgeword in die vallei, maar sy en haar man is eers van 2017 af permanent op die plaas, 20 km buite die dorp op pad na Pelgrimsrus, nadat hulle 13 jaar in Johannesburg gewoon het. Shawn was ’n agent op die produktemark en Martie in die kommunikasiebedryf. “Toe kry ons twee kinders… en toe verander alles,” lag Martie.
Martie se pa en broer is saaiboere, maar dié stukkie grond langs die pad was nie geskik vir boer nie. Dit is wel goed geleë vir toerisme op die Panoramaroete. “Ons grootste besigheid is toerbusse wat hier stilhou vir middagete, maar ons doen ook troues én hou skool- en leierskapkampe op die plaas – amper ’n moderne veldskool.”
Martie beskryf Ohrigstad as ’n vaardige gemeenskap. “Trix Crause verf al my naamborde en die DJ wat by Marlotti se boeredanse musiek maak, bou hekke. En dan is dit heerlik om uit te vind hierdie of daardie boer se vrou is eintlik ’n prokureur.”
Daar is luiperds op die plaas, en Martie en Shawn sien gereeld een van die groot katte by die huis, in die landerye of by die lokaal. “My dogtertjie, Nina, was twee maande oud toe ons hiernatoe getrek het, en as ons in Lydenburg by ’n koffiewinkel sit en die motors ry verby, dan vra sy: ‘Mamma, wat is dit?’ Sy ken nie
You’re reading a preview, subscribe to read more.
Start your free 30 days