SÊ JOU SÊ
Die pad is ons huis
Ek en my man, Pieter, en ons kinders Charma (8) en Declan (12) reis nou al 18 maande lank deur Suid-Afrika.
Ons het die toer in April 2018 op my skoonpa se plaas naby Newcastle begin en het sedertdien al ’n hele rits plekke reg oor die land besoek, van St. Lucia tot by Hondeklipbaai.
Ons toer só: Ons kry ’n basis van waar ek en my man kan werk (ons doen lone en salarisse vir ’n paar maatskappye) en ons kinders kan tuisonderrig kry. Baie selfsorgeenhede kan vir goedkoper tariewe gehuur word as jy langer as 28 nagte bly. Ons roetine verloop basies soos normaal en in ons vrye tyd verken ons die omgewing. Ons het nou al van die mooiste plekke in die land te siene gekry op ’n baie bekostigbare manier.
Ons het onlangs vir ’n naweek in ’n rondawel by die Klipkloofkamp op die oewer van die Wit-Imfolozirivier naby Ulundi gebly. Dis ’n rotsklimparadys, en
