Ons, die SAAIERS
Vir die eerste opdrag in Afrikaans vanjaar moes die graadsesleerders ’n toespraak oor hul families maak. Ons Aden-kind het syne self geskryf. Ek en Gerrit het gehik van die lag toe hy wegtrek met: “Ons hele familie is vreemd, maar baie vriendelik. Ons het ons eie stereotipes uitgevind. My ma is ’n fiksieskrywer en kunstenaar en haar stokperdjie is snorkel. Dis my pynlike plig om by te voeg dat dit partykeer in ’n meter diep troebel water is waarin tien grys vissies swem, en
