Wendy Maartens noem haarself op haar webtuiste “ ’n skrywer, openbare spreker en versamelaar van eg Suid-Afrikaanse volksverhale, legendes, rympies en ware stories”. Sy is só bedrywig dat daar byna altyd iets nuuts uit haar pen op my lessenaar is.
Ek het haar gevra om te vertel waar haar skryfdrif vandaan kom.
“Ek skryf voltyds sedert 2007 nadat ek 22 jaar skoolgehou het vir leerders in die grondslagfase. Van Oudtshoorn se kinders uit die stasiegemeenskap van destyds, Willowmore se plaaskinders, tot die Stellenbosse kinders van Kayamandi, Cloetesville en