პოლ კ. იონგის სულიერი ზრდის სერიები 4: იოანეს პირველი ეპისტოლე (II)

By Paul C. Jong

თუ ჭეშმარიტი ქრისტიანი ხარ, ღვთის სიყვარული უფრო მეტი უნდა იცოდე, ვიდრე უბრალოდ აბსტრაქტული. მათ, ვინც იცნობს და სწამს იესო, როგორც მათი მხსნელი, უნდა იცოდნენ ღვთის სიყვარული კონკრეტულად ცოდვების მიტევებაში, რაც განხორციელდა წყლისა და სულის სახარების სიტყვის მეშვეობით. ჩვენ უნდა გავხდეთ ამ ჭეშმარიტი სახარების ჭეშმარიტი მორწმუნეები, რათა ღრმად ვიცოდეთ ღვთის სიყვარული. ამ ჭეშმარიტ სახარებაში ღმერთის სიყვარული ვლინდება კონკრეტულად და დეტალურად. თუ ჩვენ გვინდა ვიცოდეთ ღმერთი, როგორც სიყვარული, ჩვენი ცოდნა უნდა მომდინარეობდეს ღვთის კონკრეტული სიყვარულიდან, რომელიც ვლინდება სახარებაში წყლისა და სულის შესახებ. მხოლოდ მაშინ შეგვიძლია მივიყვანოთ სხვები ღვთის ჭეშმარიტ სიყვარულამდე. მოციქული იოანე მოწმობს, რომ იესო ქრისტე, რომელიც მოვიდა წყლით, სისხლით და სულიწმიდით, არის მაცხოვარი და თვით ღმერთი. მისი მოწმობის არსი არის ცოდვის მიტევების ჭეშმარიტება, რომელიც ეკუთვნის წყალს, სისხლს და სულიწმიდას. როგორც ღვთის სიტყვაშია დაწერილი, წყალი ნიშნავს იესოს ნათლობას, რომელიც მან მიიღო იოანე ნათლისმცემლისგან, ხოლო სისხლი ნიშნავს განაჩენს, რომელიც მან მიიღო ყველა ჩვენი ცოდვებისთვის. კვლავ, ჩვენი ხსნის მტკიცებულება სულიწმიდაში, წყალსა და სისხლშია (1 იოანე 5:8). წყლის, სისხლისა და სულიწმიდის მსახურება არის ღმერთი, რომლითაც მან იხსნა ცოდვილები ყველა ცოდვისაგან.

• Language: ქართული ენა
• Publisher: Paul C. Jong
• Release date: Jan 16, 2024
• ISBN: 9788928222308

Book preview

paul_Geo15_coverFrontflap_Geo151st_page

პოლ კ. იონგის სულიერი ზრდის სერიები 4:

იოანეს პირველი ეპისტოლე (II)

Smashwords Edition

Copyright 2023 by Hephzibah Publishing House

ყველა უფლება დაცულია. საავტორო უფლებების მფლობელის წერილობითი ნებართვის გარეშე აკრძალულია ამ წიგნის ნებისმიერი ნაწილის რაიმე ფორმით ან ნებისმიერი საშუალებით, ელექტრონული ან მექანიკური, მათ შორის ფოტოკოპირების, ხმის ჩამწერი ან ინფორმაციის შენახვისა და მოპოვების ნებისმიერი სისტემით რეპროდუცირება ან გადაცემა. ადგილები წმინდა წერილიდან მოყვანილია საქართველოს ბიბლიური საზოგადოების სბს-2015 ახალი გადამუშავებული გამოცემიდან.

ISBN 978-89-282-2230-8

ყდის გაფორმება: მინ-სუ კიმი.

ილუსტრაციები: იონგ-ე კიმი.

დაბეჭდილია კორეაში

   სარჩევი   

წინასიტყვაობა

თავი 3

• ჩვენი უფალი რომელიც მოვიდა ჩვენთან აგაპე სიყვარულით (1 იოანე 3:1-8)

• რომელი ცოდვა არ უნდა ჩავიდინოთ ღმერთის წინაშე? (1 იოანე 3:9-16)

• მისი მცნებების შემნახველნი, მასში რჩებიან (1 იოანე 3:17-24)

თავი 4

• გამოსცადეთ სულნი, ღვთისგან არიან თუ არა (1 იოანე 4:1-6)

• როგორ უნდა ვიცხოვროთ ამიერიდან? (1 იოანე 4:7-13)

• ჩვენ უნდა დავრჩეთ ღმერთის სიყვარულში (1 იოანე 4:16-21)

თავი 5

• რა არის ჭეშმარიტება რომელიც ყველა ცოდვისგან გვათავისუფლებს? (1 იოანე 5:1-4)

• ვინ არის ღვთისაგან შობილი? (1 იოანე 5:4-8)

• რისი გვწამს ჩვენ? (1 იოანე 5:1-11)

• რა არის ჭეშმარიტება რომელმაც ყველა ჩვენი ცოდვისგან გაგვანთავისუფლა? (1 იოანე 5:1-12)

• კონკრეტული მტკიცუბულება რომელიც გვიხსნის ყველა ჩვენი ცოდვისგან (1 იოანე 5:8-13)

• რუ ვინმე ძმა სცოდავს არა მომაკვდინებელი ცოდვით, სთხოვე ღმერთს რომ მისცეს მას სიცოცხლე (1 იოანე 5:16-19)

• ის არის ჭეშმარიტი ღმერთი და საუკუნო სიცოცხლე (1 იოანე 5:20)

• მიუხედავად იმისა რომ ჩვენ ყოველთვის უკმარნი ვართ, ღმერთის სრულყოფილმა სიყვარულმა ჩვენ სამყაროს ცოდვებისგან გადაგვარჩინა (1 იოანე 5:1-21)

წინასიტყვაობა

იოანე მოციქული ქრისტიანობის ერთ-ერთი უდიდესი სულიერი ლიდერია. მის მიერ დაწერილი სამივე ეპისტოლე დღესაც უმოწმობს ღვთის ეკლესიის წმიდებს ყველაზე არსებით და სულიერ ჭეშმარიტებებს. მაგრამ არის რამდენიმე მონაკვეთი, რომელთა განმარტება და გაგება ადვილი არაა.

შეგვიძლია მოვიყვანოთ 1 იოანეს 1:8, როგორც იოანეს ეპისტოლების რთული მონაკვეთის პირველი მაგალითი: „თუ ვამბობთ, რომ არა გვაქვს ცოდვა, თავს ვიტყუებთ და ჭეშმარიტება არ არის ჩვენში". ეს მონაკვეთი ძნელი გასაგებია, განსაკუთრებით მაშინ, როცა მას წყლისა და სულის სახარების მორწმუნეებს მივუსადაგებთ.

მეორე მაგალითია 1 იოანე 1:9, „თუ ვაღიარებთ ჩვენს ცოდვებს, მაშინ ის, ერთგული და მართალი, მოგვიტევებს ცოდვებს და გაგვწმენდს ყოველგვარი უმართლობისგან". ეს იყო და არის ერთ-ერთი ყველაზე ხშირად ციტირებული მონაკვეთი, როდესაც ცოდვილები თავიანთი მონანიების ლოცვების ბიბლიური საფუძვლის მოყვანას ცდილობენ. მაშ ნიშნავს თუ არა ეს მონაკვეთი რომ ცოდვილებმა უნდა აღიარონ თავიანთი ცოდვები, რათა ეს ცოდვები მიეტევოს? თუ ეს იმას ნიშნავს, რომ მართლებმა, ვისაც წყლისა და სულის სახარება სწამს, უნდა აღიარონ თავიანთი ცოდვები? ჩვენ უნდა გვწამდეს ამ მონაკვეთის ბიბლიის ავტორის, - სულიწმიდის განმარტების და იოანე მოციქულის განზრახვის თანახმად.

რთული მონაკვეთის მესამე მაგალითია 1 იოანე 2:22: „ვინ არის ცრუ, თუ არა ის, ვინც უარყოფს, რომ იესო არის ქრისტე? ის არის ანტიქრისტე, უარმყოფელი მამისა და ძისა". ეს მონაკვეთი საუბრობს იმაზე, თუ ვინ არიან ღმერთის მტრები. ეს მუხლი განმარტავს რომ ღმერთის მტრები არიან ისინი, ვისაც არ სჯერა რომ იესო არის ღმერთი. და ეს ასევე ნიშნავს, რომ ისინი არ სცნობენ იესო ქრისტეს მამას როგორც ღმერთს.

მეოთხე ადგილია 1 იოანეს 3:6, სადაც ნათქვამია: „ყოველი, ვინც რჩება მასში, არ სცოდავს; ყოველ შემცოდეს არ უხილავს და არ იცნობს მას". აქ, როცა ვუყურებთ ფრაზას „ვინც რჩება მასში", უნდა გვესმოდეს რომ ეს მონაკვეთი მიმართავს მართლებს, ვინც ყველა ცოდვისაგან წყლისა და სულის სახარების რწმენით განიწმინდა. მართლებს არავითარ შემთხვევაში არ შეუძლიათ თავიანთი რწმენის უარყოფა, ვინაიდან მათ ჭეშმარიტი სახარების სწამთ. განა შესაძლებელია რომ არსებობდნენ ისეთები, ვინც ნამდვილად არ სჩადის ცოდვას თავისი ხორცით? ყველა ადამიანი სცოდავს. მაგრამ წყლისა და სულის სახარების მორწმუნეებს არ შეუძლია ისეთი ცოდვის ჩადენა, როგორიცაა ჭეშმარიტი სახარების უარყოფა.

ვინ არიან ისინი, ვისაც დღეს იესო, ჭეშმარიტი ღმერთი, როგორც მათი სრულყოფილი მხსნელი სწამს? ეს არიან ადამიანები, რომლებიც განთავისუფლდნენ ყველა ცოდვისაგან მათ გულში არსებული წყლისა და სულის სახარების რწმენით. ისინი უცოდველი წმიდები არიან, იმის გამო რომ ამ ჭეშმარიტი სახარების სწამთ. დღეს ბევრი ღმერთის მტრად იქცა, ვისაც არ სწამს იესოსი როგორც ღმერთის. ამ ურწმუნობის გამო, ეს სამყარო სავსეა ადამიანებით, რომლებსაც არც იესოს მამის ღვთაებრიობის სწამთ. ეს არიან ცოდვილები, რომლებსაც არ სჯერათ რომ იესომ, ჭეშმარიტმა ღმერთმა, ერთხელ და სამუდამოდ გადაგვარჩინა ჩვენი ცოდვებისაგან.

ბოლო რთული ნაწილი არის 1 იოანეს 5:5-8, სადაც ნათქვამია: „ვინ არის წუთისოფლის მძლეველი, თუ არა ის, ვისაც სწამს, რომ იესო არის ძე ღვთისა? ეს არის იესო ქრისტე, რომელიც წყლითა და სისხლით მოვიდა; არა მარტო წყლით, არამედ წყლითა და სისხლით; და სული მოწმობს, ვინაიდან სულია ჭეშმარიტება. რადგან სამნი მოწმობენ ცაში - მამა, სიტყვა და სულიწმიდა, და ეს სამი ერთია. და სამნი მოწმობენ დედამიწაზე: სული, წყალი და სისხლი, და ეს სამი ერთშია."

რას ნიშნავს აქ ნახსენები წყალი? ის მიუთითებს ნათლობაზე, რომელიც იესომ კაცობრიობის ყველა ცოდვის ერთიანად ასაღებად მიიღო (მათე 3:15). ანუ, ეს აღნიშნავს იესოს მიერ იოანე ნათლისმცემლისგან მდინარე იორდანეში მიღებულ ნათლობას. ეს ჭეშმარიტება გვიხსნის რომ იესოს ნათლობა იყო ჩვენი, მთელი კაცობრიობის, ჩვენი ცოდვების ამოშლით გადარჩენის ერთადერთი გზა (1 პეტრე 3:21).

რას გვასწავლის გალილეოს ამბავი?

ალბათ გსმენიათ გალილეო გალილეის (1564-1642) შესახებ, რომელსაც ცნობილი ფრაზა ეკუთვნის: „მაგრამ დედამიწა მაინც მოძრაობს". ის იყო იტალიელი ფიზიკოსი, ასტრონომი, მათემატიკოსი, ფილოსოფოსი და გამომგონებელი.

მის დღეებში ხალხს სწამდა გეოცენტრული თეორიის, რომელიც ამბობდა რომ დედამიწა მდებარეობდა სამყაროს ცენტრში და რომ ყველა პლანეტა დედამიწის გარშემო ბრუნავდა. მაგრამ, მიუძღვნა რა თავი ასტრონომიულ დაკვირვებებს, გალილეო იქცა კოპერნიკის ჰელიოცენტრული თეორიის დამცველად, რომელიც გეოცენტრიზმს საჯაროდ ეწინააღმდეგებოდა. ამან გამოიწვია პაპის სასამართლოს რისხვა და შედეგად, გალილეის მრავალი გაჭირვება და დევნა დაატყდა. მაგრამ ამის გამო მან ასევე მოიპოვა აღიარება, როგორც ერთ-ერთმა უდიდესმა მეცნიერმა, რომელმაც თავისი წვლილი შეიტანა თანამედროვე მეცნიერების განვითარებაში.

იმდროინდელ ადამიანთა უმრავლესობა მიჰყვებოდა გეოცენტრიზმს და იგი აღიარებული იყო აბსოლუტურ ჭეშმარიტებად, რომელსაც მათი რელიგიის მიმართ ბრმა ერთგულება უჭერდა მხარს. მეორე მხრივ, მრავალმა გეოგრაფიულმა და ასტრონომიულმა აღმოჩენამ ერთმანეთის მიყოლებით გამოავლინა ჰელიოცენტრიზმის სიყალბე, მაგრამ იმდროინდელმა ხალხმა ვერაფერი თქვა ამის შესახებ, ვინაიდან ამ თეორიის მოწინააღმდეგეები ღვთის მტრებად ითვლებოდნენ და, შესაბამისად, დევნებს თავს ვერ ააცილებდნენ. მაგრამ გალილეომ თამამად გამოაცხადა თავისი ახალი თეორია. რა თქმა უნდა, მას სასტიკად დევნიდა იმ პერიოდის მთავარი რელიგია, მაგრამ ძალით ან მოწინააღმდეგეთა რაოდენობით ჭეშმარიტების დამახინჯება ან იგნორირება არასოდეს იყო შესაძლებელი.

სინამდვილეში, დღევანდელი ქრისტიანების აბსოლუტურ უმრავლესობას მხოლოდ ჯვარზე დაღვრილი სისხლის სწამს. მათ არ იციან სიმართლე იმის შესახებ რომ იესომ, ჭეშმარიტმა ღმერთმა, იოანე ნათლისმცემლისგან მონათლვით ერთხელ და სამუდამოდ აიღო წუთისოფლის ყველა ცოდვა. მათ ამაოდ სჯერათ იესოსი, როგორც თავიანთი მხსნელის, რადგან წარმოდგენა არა აქვთ თუ რა არის წყლისა და სულის სახარება. ეს გეოცენტრული თეორიის ბრმა ნდობას წააგავს. და ჩვენ თუ დღევანდელი ქრისტიანობის ძირითად მცდარობას გამოვაცხადებთ, რომელსაც სწამს მხოლოდ ჯვრის სისხლი, ესეც გამოიწვევს დიდ აღშფოთებას, როგორც გალილეოს შემთხვევაში.

არსებობს გამონათქვამი, რომელიც ამბობს: „ჩვენ არასდროს ვეჭვობთ იმ საკითხებზე, რომლებიც საღი აზრის დონეზე იყო გამყარებული". როგორც ასეთი, ბევრი ქრისტიანი არც კი ფიქრობს მათი სარწმუნოების შესაძლო სიყალბეზე, ვინაიდან ყოველთვის სწამდათ, რომ ჯვრის სისხლი არის მათი გადარჩენის ერთადერთი ჭეშმარიტება. ამიტომაა რომ დღევანდელი ქრისტიანობა ასეთი ბრმა მორწმუნეებით არის სავსე.

1 იოანეს სიტყვა გვასწავლის იმაზე რომ უნდა ვიცოდეთ თუ რა არის წყლისა და სულის სახარება და ვინ არიან ცრუ წინასწარმეტყველები. ამიტომ, ჯერ სწორად უნდა შევისწავლოთ ეს სახარება, რათა მივწვდეთ 1 იოანეს სიტყვას და მისი ღრმა გაგება ვიქონიოთ.

მე ვლოცულობ ღმერთთან, რომ ყველას მოგვცეს სიმართლის გარჩევის სიბრძნე, ხსნის ჭეშმარიტება და რწმენა რომელსაც ამ ჭეშმარიტების მტკიცედ სწამს.

მთელ ჩემს მადლობას ღმერთს მივაგებ. ალილუია!

CHAPTER0303

ჩვენი უფალი რომელიც მოვიდა ჩვენთან აგაპე სიყვარულით

< 1 იოანე 3:1-8 >

ნახეთ, როგორი სიყვარული მოგვცა მამამ, რომ მის შვილებად ვიწოდებით. ქვეყნიერება იმიტომ არ გვიცნობს, რომ ქვეყნიერებამ ვერ შეიცნო იგი. საყვარელნო! ახლა ღვთის შვილები ვართ, ოღონდ ჯერ არ გამომჟღავნებულა, რანი ვიქნებით. მაგრამ ვიცით, რომ, როცა გამოჩნდება, მისი მსგავსნი ვიქნებით, რადგან ვიხილავთ მას, როგორიც არის. ყოველმა, ვისაც ეს იმედი აქვს მასში, განიწმიდოს თავი, როგორც ის არის წმიდა. ცოდვის ყოველი ჩამდენი ურჯულოებასაც სჩადის; ცოდვა - ურჯულოებაა. ხოლო თქვენ იცით, რომ იგი გამოჩნდა, რათა ეტვირთა ჩვენი ცოდვები, და მასში არ არის ცოდვა. ყოველი, ვინც რჩება მასში, არ სცოდავს; ყოველ შემცოდეს არ უხილავს და არ იცნობს მას. შვილებო, ნურავინ გაცდუნებთ. სიმართლის მოქმედი მართალია ისევე, როგორც ის არის მართალი. ცოდვის ჩამდენი ეშმაკისგანაა, რადგან თავდაპირველად ეშმაკმა შესცოდა. ამიტომაც გამოჩნდა ძე ღვთისა, რომ დაენგრია ეშმაკის საქმენი.

იცით თუ არა ღვთის სიყვარულის არსი?

უპირველეს ყოვლისა, მე მადლობას აღვუვლენ ღმერთს მისი სიყვარულისთვის, რომ იესო ქრისტე, რომელიც თვით ღმერთია ყველა ჩვენგანისთვის, მოვიდა ამ დედამიწაზე, მოინათლა, დაღვარა თავისი სისხლი და ამით  ერთხელ და სამუდამოდ გვიხსნა ჩვენ, ცოდვილები, ყველა ჩვენი ცოდვისგან.

არსებობდა ორი მიზეზი, რისთვისაც მამა ღმერთმა განიზრახა ჩვენთვის, ჭეშმარიტი ღმერთის იესო ქრისტეს მორწმუნეთათვის თავისი მოწყალე სიყვარულის  მონიჭება. პირველი მიზეზი იყო ღვთის სიმართლესა და მოწყალებაში მისი ჭეშმარიტი სიყვარულის გაცხადება, ვინაიდან ბოროტ ანგელოზებს მისი ძალაუფლება ეწადათ, ხოლო მეორე მიზეზი იყო იმის ჩვენება რომ ღვთის ტახტის შეპყრობა ნებისმიერი ქმნილების მხრიდან შეუძლებელია.

ეს გვიჩვენებს რომ არავისთვის ჩვენს შორის არაა შესაძლებელი რაიმე ფიზიკური ძალის მეშვეობით ღვთის შვილებად გახდომის დიდების მიღწევა. ის გვიჩვენებს რომ ღმერთის შვილებად გახდომის ერთადერთი გზა  მხოლოდ იესო ქრისტეს და მხოლოდ ღვთის სიყვარულში დაგეგმილი გადარჩენის ჭეშმარიტებისადმი რწმენითაა შესაძლებელი. სხვა სიტყვებით, ჩვენ შეგვიძლია აღმოვაჩინოთ, რომ მხოლოდ ღვთაებრივი იესოს რწმენით და მის მიერ მოცემული წყლისა და სულის სახარების სიტყვით შეგვიძლია ჩვენ გავხდეთ ღმერთის შვილები და ღვთის სიყვარული შევიმოსოთ.

ამიტომ ჩვენ ახლა ვიცით რომ ამქვეყნად შეუძლებელია რაიმე გზით ან ხერხით ღვთის ტახტის დაპყრობა. ხსნის სიმართლე, რომელიც შედგება წყლისა და სულის სახარებაში, არის ჭეშმარიტი ხსნის ერთადერთი კანონიერი რჯული, რომელიც მიესადაგება ყველას, როგორც ქრისტიანებს, ასევე ურწმუნოებს. ამის მიზეზი ისაა რომ ყველა ამ ცოდვილთა მათი ცოდვებისგან და ურჯულოებისგან გადასარჩენად, იესო ქრისტემ, ჩვენმა ღმერთმა, გამოიყენა ხსნის იგივე გეგმა წყლისა და სულის სახარებაში.

ჩვენმა ღმერთმა იესო ქრისტემ ყველა ჩვენთაგანი, ვისაც წყლისა და სულის სახარებაში გამოხატული ღვთის სიყვარულის გვწამს, ღვთის შვილებად გახდომის დიდებით შემოსა. ხსნის ეს ჭეშმარიტება იესო ქრისტეში ჯერ კიდევ სამყაროს დაარსებამდე იყო დაგეგმილი და ასევე განსაზღვრულ იქნა რომ მხოლოდ ისინი, ვინც იცის და სწამს წყლისა და სულის სახარების ჭეშმარიტების, შეიმოსებოდნენ ღვთის დიდებით. თუმცა ღმერთმა თავისი უსაზღვრო წყალობით ერთპიროვნულად დაგეგმა ჩვენი გადარჩენა, ჩვენ უნდა გვესმოდეს რომ ღვთის სიყვარულის საკუთრად ქცევა მხოლოდ იმ შემთხვევაში შეგვიძლია, თუ უწინარესად ვირწმუნებთ წყლისა და სულის სახარების, ამ ხსნის ჭეშმარიტებას. ვინაიდან მამა ღმერთმა დაგეგმა და გადაწყვიტა ცოდვის მიტევების ხსნით ჩვენი თავის მხოლოდ იმ პირობით შემოსვა თუ ვირწმუნებდით ქრისტეს როგორც ჩვენ მხსნელის, ყველა ჩვენგანს სწორედ ამგვარად უნდა გვწამდეს.

უნდა გვესმოდეს რომ თუ არ გვჯერა ღვთის ხსნის გეგმის, წყლისა და სულის სახარებისეული ჭეშმარიტების,  მაშინ ღმერთი არ იქნება დამნაშავე ყველა იმ წყევლის გამო რაც ამის შესაბამისად მოგვეწევა. ვინაიდან მამა ღმერთმა გადაწყვიტა რომ იესო ქრისტეში მისი შვილები გავეხადეთ, ჩვენ ვერ ვპოულობთ რაიმე წუნს ან ნაკლს მის გეგმაში. ამგვარად, ჩვენ კიდევ უფრო მეტად უნდა ვმადლობდეთ მას იმისთვის რომ ყველას შეგვიძლია  რწმენით ღვთის სიყვარულის მიღება რომელიც მოგვენიჭა იესო ქრისტეს, ჭეშმარიტი ღმერთის მეშვეობით.

თუ ყველანი არ შევიცნობთ და არ ვირწმუნებთ ღვთის უღრმეს სიყვარულს იესო ქრისტეში მოცემულ წყლისა და სულის სახარების სიტყვის რწმენით, ჩვენ ვერასოდეს შევძლებთ ჩვენი ცოდვების პრობლემის გადაჭრას. თუ სრულიად არ მოვიკვეთთ ცოდვის ამ პრობლემას იესო ქრისტეს ნათლობისა და მისი დაღვრილი სისხლისადმი რწმენით, ჩვენ ვერ შევძლებთ ვასიამოვნოთ ღმერთს. შედეგად, ჩვენი გული მხოლოდ შეკრთება და კიდევ და კიდევ უფრო დიდი შიშით იქნება მოცული.

ამიტომ, ჩვენ უნდა გვწამდეს ამ სიმართლის რომ ჩვენი ნამდვილი ხსნა მხოლოდ ღვთის სიყვარულის რწმენით ხდება შესაძლებელი. ამის გარეშე ჩვენ ვერ აღმოვაჩენთ ჩვენი ცოდვებისგან სრულად და ჭეშმარიტად გადარჩენის გზას. უნდა გვახსოვდეს რომ წყლისა და სულის სახარების რწმენის გარეშე, რომელიცაა იესო ქრისტეს სიყვარული, ასეთი მცდელობა ჩვენს გულებს მხოლოდ ღმერთის წინააღმდეგ განაწყობს. ქრისტიანი ცოდვილები ასეთ ცოდვებს დაუფიქრებლად სჩადიან. ამიტომ ჩვენ უნდა გავაცნობიეროთ და გვჯეროდეს, რომ მხოლოდ ღვთის მიერ დადგენილი წყლისა და სულიწმიდის სახარების ჭეშმარიტების რწმენით,  შესაძლებელი იქნება ღვთის  უსაზღვრო წყალობის სიყვარულის მიღება.

თქვენ უნდა გააცნობიეროთ თუ როგორ უნდა მიიღოთ წყლისა და სულის სახარებისადმი რწმენით ღვთის შეუზღუდავი წყალობის სიყვარული. თუ გულით არ გწამთ ჩვენი ღმერთის იესო ქრისტერ მიერ მოცემული  სახარებისეული ჭეშმარიტების, თქვენ ვერ იტყვით რომ ნამდვილად გწამთ ღვთის მოწყალე სიყვარული და მისთვის ხართ მადლობელი. ამიტომ, თუ ფიქრობთ რომ ღვთის სიყვარულის რაღაცნაირად საკუთარი ძალისხმევით მიღებას შეძლებთ, თქვენ დიდად ცდებით. ყველამ ღრმად უნდა გავაცნობიეროთ რომ თუ არ გვწამს იესო ქრისტე, ჩვენი ღმერთი, წყლისა და სულის სახარებასთან ერთად, ჩვენ მხოლოდ ბოროტმოქმედებად ვიქცევით, რომლებიც ღვთის ავტორიტეტს ეწინააღმდეგებიან.

როგორც ბიბლიაში წერია: „ყველამ შესცოდა და მოკლებულია ღვთის დიდებას" (რომაელთა 3:23), მთელმა კაცობრიობამ შესცოდა ღმერთის წინაშე და შესაბამისად და არსებითად ყველას განადგურება ეწერა. მაგრამ ვინაიდან ღმერთისთვის ძირეულად იყო ცნობილი ჩვენი ბუნება, მან მიგვიყვანა ჩვენი ცოდვების მიტევებასთან წყლისა და სულის სახარებისეული ჭეშმარიტებით. ეს ნიშნავს რომ მამა ღმერთმა სამყაროს დაარსებამდე გადაწყვიტა იესო ქრისტეში სამყაროს ცოდვებისგან ჩვენი გადარჩენა. ამიტომაც გამოგზავნა მან იესო ქრისტე, თავისი ძე და ჩვენი მხსნელი დედამიწაზე, სადაც ის მოინათლა იოანესგან კაცობრიობის ცოდვების ასაღებად, დაღვარა თავისი სისხლი და კვლავ აღდგა მკვდრეთით, რითაც მოგვიტანა ხსნა, რომელიც ერთხელ და სამუდამოდ სწმენდს ჩვენს ყველა ცოდვას.

და მამა ღმერთმა დაადგინა რომ ჭეშმარიტი ხსნა მიეცემოდა მხოლოდ მათ, ვინც იცის წყლისა და სულის სახარებისეული ჭეშმარიტება და ღებულობს მას. როგორც ასეთი, მხოლოდ მათ, ვისაც სწამს იესოს შობის, მისი ნათლობის, მისი სიკვდილის და აღდგომის ჭეშმარიტების, შეუძლიათ რეალურად განიბანონ თავიანთი ცოდვები და ასევე, მადლიერებით მის მიმართ რწმენით იცხოვრონ. მამა ღმერთმა ყველა ჩვენი ცოდვა იესოს სხეულზე გადაიტანა და მისი სისხლის ჯვარზე დაღვრით ერთხელ და სამუდამოდ მათი გამოსყიდვა აღასრულა. ხოლო ჩვენი მხრიდან, ჩვენ ამ ჭეშმარიტების რწმენა უნდა ვიქონიოთ რათა გადავრჩეთ ყველა ჩვენი ცოდვისგან იესოს ნათლობის და მისი სისხლისადმი რწმენით. ამაშია ღმერთის ჩვენდამი აგაპე სიყვარულის არსი.

მისი აგაპე სიყვარულით ჩვენი თავის შემოსვით ღმერთმა ჩვენთვის შესაძლებელი გახადა ყველა ჩვენი ცოდვისგან გათავისუფლება

როგორ გვაქცია ღმერთმა თავის შვილებად? ჩვენს შორის წყლისა და სულის სახარების ყოველი მორწმუნის ყველა ცოდვის განწმენდით, ღმერთმა მოგვანიჭა მხოლოდ რწმენით მის შვილებად გახდომის უნარი.

იესო ქრისტე არის ფუნდამენტურად ღვთის ძე და თვით ღმერთი. ეს იესო მოვიდა ამ ქვეყნად რათა დავეხსენით ყველა ჩვენი ცოდვისაგან, ერთხელ და სამუდამოდ აიღო წუთისოფლის ცოდვები იოანესგან მიღებული ნათლობით, ჯვარს ეცვა და მოკვდა მასზე, აღდგა მკვდრეთით და ამით ერთბაშად გვიხსნა ყველა ჩვენი ცოდვისგან და ღვთის შვილებად გვაქცია. იმისდა მიუხედავად რომ ჩვენი უფალი ამ სოფლად ადამიანის ხორცში მოვიდა, თავისი ფაქტობრივი არსით, ის ძირეულად იყო და არის სამყაროს შემოქმედი და მესია, რომელმაც კაცობრიობა ცოდვისაგან იხსნა.

მაშასადამე, თავისი ცოდვებისგან გადასარჩენად, ადამიანმა უნდა იცოდეს იესო ქრისტეს ნათლობა და სისხლისღვრა, როგორც ხსნის ჭეშმარიტი სიყვარული და სწამდეს მისი, როგორც ასეთის. მიუხედავად ამისა, ბევრი ადამიანი მაინც რჩება ცოდვილ მდგომარეობაში და უარს ამბობს გულში წყლისა და სულის სახარების სახით მოსულ ღვთის სიყვარულის აღიარებაზე, რითაც აგრძელებენ თავიანთ ცხოვრებაში ღმერთის ამ სიყვარულის უარყოფას. ამგვარად, ჩვენ უნდა გამოვიჩინოთ ნამდვილი თანაგრძნობა ამ ადამიანების მიმართ წყლისა და სულის სახარების ქადაგებით. ამ ქვეყნად მსგავსი ხალხის დიდი რაოდენობაა ის მიზეზი რომლის გამო იოანე მოციქულს და ჩვენ ამაზე გული შეგვტკივა.

ჩემო ძვირფასო თანაქრისტიანებო, იესო ქრისტემ, ჩვენმა ღმერთმა, მოგცათ თქვენ ხსნის სიყვარული რომელიც გიხსნით ყველა თქვენი ცოდვისაგან წყლისა და სულის სახარების სიყვარულით, მოგცათ ხსნის საჩუქარი რათა ამ ჭეშმარიტების ყველა მორწმუნე ხელახლა შობილიყო როგორც ღმერთის საკუთარი შვილი. მხოლოდ ღვთაებრივი იესო ქრისტეს როგორც ჩვენი მხსნელის რწმენით შეგვიძლია ჩვენ გავხდეთ ღმერთის შვილები მის სიყვარულში. იცით თუ არა წყლისა და სულის სახარება და ღებულობთ თუ არა მას და გწამთ რომ ის ხსნის ჭეშმარიტებაა? ჩვენ ყველამ უნდა ვიქონიოთ ისეთი რწმენა რომელმაც იცის და სწორად სწამს იმის თუ როგორი სიყვარული მოგვცა მამა ღმერთმა იესო ქრისტეში.

სხვაგვარად რომ ვთქვათ, ღვთის უცოდველ შვილებად გახდომა მთლიანად დამოკიდებულია იესო ქრისტეს, ჩვენი ღმერთის მიმართ ჩვენს რწმენაზე. ჩვენი ცოდვების მიტევება დამოკიდებულია ღვთის ყოვლისმომცველ ხსნის სიყვარულზე, რომელიც  იესო ქრისტეს მიერ აღსრულებულ წყლისა და სულის სახარებაში მოიპოვება.

აგაპე არის ყველაზე უფრო ჭეშმარიტი სახის სიყვარული

ამ სამყაროში არსებული ყველა სახის სიყვარული  შეიძლება დაიყოს ოთხ ტიპად. ესენია: აგაპე-სიყვარული, სტორგე-სიყვარული, ფილეო-სიყვარული და ეროს-სიყვარული. ბერძნული სიტყვა სტორგე ოჯახის წევრთა შორის სიყვარულს ნიშნავს, როგორიცაა მაგალითად მშობლების სიყვარული შვილების მიმართ, ფილეო ნიშნავს მეგობრებს შორის მჭიდრო კავშირს, ხოლო ეროსი მიუთითებს მამაკაცსა და ქალს შორის სიყვარულზე. ამასთანავე, აგაპე გულისხმობს ღვთის უპირობო სიყვარულს ჩვენს მიმართ.

ამ ოთხი სახის სიყვარულიდან, სწორედ აგაპეში გვხდება ღვთის მოწყალე და თანამგრძნობი სიყვარული, რომელიც ბევრად აღემატება ამქვეყნად ნებისმიერ ხორციელ სიყვარულს. ამ სიყვარულში არის ღვთის ცალმხრივი სიყვარული, რომელმაც უპირობოდ ხსნის ძღვენი მოგვიტანა. ამ უპირობო სიყვარულს ჩვენ აგაპე სიყვარულს ვუწოდებთ. ამის საპირისპიროდ, დანარჩენი სამი სახის სიყვარული ძირითადად პირობითია. სხვა სიტყვებით, - ეროსი, ფილეო და სტორგე არის სიყვარულის ის სახეობები რომლებიც მხოლოდ მათ პირობათა დაკმაყოფილებამდე გრძელდება.

აგაპე სიყვარული მუდამ არსებობს ღმერთსა და ჩვენს შორის. ღვთის სიყვარული, რომელიც ჩვენდამი ღვთაებრივი იესო ქრისტეს მეშვეობით გამოვლინდა, არის „სიმართლის სიყვარული" (2 თესალონიკელთა 2:10). ვინაიდან იესო ქრისტემ, ჩვენმა ღმერთმა, უპირობოდ შეგვიყვარა, მან მოგვცა წყლისა და სულის სახარება, და ამით მან ამ ჭეშმარიტი სახარების მორწმუნეებს შვილებად გახდომის საშუალება უბოძა, ყველა მათი ცოდვის ერთხელ სამუდამოდ განწმენდით. ამგვარად, როდესაც საქმე იესო ქრისტეს, როგორც ჩვენი მხსნელის რწმენას და მის მიყოლას ეხება, ჩვენ ამის გაკეთება მხოლოდ რწმენის მეშვეობით შეგვიძლია; ჩვენ არ გვძალუძს მისი რაიმე სხვა გზით ან მიზეზით მიყოლა. შეუძლებელია საკმარისი მადლობა მივაგოთ ღმერთს მისი უსაზღვრო სიყვარულისთვის იესო ქრისტეში, ჩვენს ჭეშმარიტ მხსნელში.

ღმერთის აგაპე სიყვარული სრულად ვლინდება იესო ქრისტეს, ჩვენი ღმერთის მიერ მოცემულ წყლისა და სულის სახარებაში. ამიტომ, ხსნის მთელ ამ სიყვარულში ინახება ღმერთისგან მოსული წყლისა და სულის ჭეშმარიტება. ჩვენი ღმერთის იესო ქრისტეს წყალობით ჩვენ შევძელით ამ  სახარების რწმენით ერთხელ და სამუდამოდ გადავრჩენილიყავით ჩვენი ცოდვებისაგან და ღმერთის საკუთარი შვილები გავმხდარიყავით. ამგვარად, ჩვენ უნდა გავაცნობიეროთ და გულით ვირწმუნოთ რომ ღვთის ცალმხრივი სიყვარულის გამო ჩვენ გავხდით მართლები, და რომ ეს სიყვარული არის ღმერთის აგაპე-სიყვარული ჩვენს მიმართ. ყველა ჩვენგანს უნდა სწამდეს რომ სწორედ ჩვენი ღმერთის, იესო ქრისტეს და მისი სიყვარულის, წყლისა და სულის სახარების გამოვლენის მეშვეობით, გახდა ჩვენთვის შესაძლებელი ღვთის შვილებად ქცევა.

ამავე დროს, თუ არ გწამთ წყლისა და სულის სახარების ჩვენს ღმერთ იესო ქრისტეში, თქვენი სულები უდაბნოსავით ცარიელი და იმედგაცრუებული გახდება. თუ თქვენმა სულებმა ჯერ ვერ გააცნობიერა იესო ქრისტეში წყლისა და სულის სახარებით ღვთის ჩვენდამი უსაზღვრო სიყვარული და ამ სიყვარულის სიღრმე, მაშინ უნდა მიხვდეთ რომ გულში ნამდვილად ცოდვა გაქვთ და ჯერ კიდევ ქრისტეში არ იმყოფებით (რომაელთა 8:1). და თუ ასეა, თქვენთვის ყველაზე გადაუდებელი საქმე არის რომ შემობრუნდეთ და ირწმუნოთ წყლისა და სულის ეს სახარება.

ჩვენ უნდა ვიცოდეთ რომ როცა ის გამოცხადდება, ჩვენც მისი მსგავსნი ვიქნებით

რა გვითხრა ღმერთმა 1 იოანეს 3-ში? დაწერილია, საყვარელნო! ახლა ღვთის შვილები ვართ, ოღონდ ჯერ არ გამომჟღავნებულა, რანი ვიქნებით. მაგრამ ვიცით, რომ, როცა გამოჩნდება, მისი მსგავსნი ვიქნებით, რადგან ვიხილავთ მას, როგორიც არის (1 იოანე 3:2).

მოციქული იოანე აქ დღევანდელ წმიდანთა მომავალზე მოგვითხრობს. ის გვეუბნება რომ როდესაც იესო ქრისტე, ჩვენი ღმერთი და უფალი, დაბრუნდება ჩვენთან და ამ სამყაროს ბოლო ჟამის დადგომისას ღმერთის სამეფო დამყარდება, ჩვენც მისი მსგავსნი გავხდებით. ეს მოხდება იმიტომ რომ ჩვენ მას ვიხილავთ ისეთს როგორიც ის არის. ანუ, ეს მონაკვეთი გველაპარაკება ჩვენს მომავალ კურთხევებზე, და რომ ჩვენ იესო ქრისტეს მსგავს განდიდებულ სხეულებს მივიღებთ და დავტკბებით მთელი მისი დიდებითა და ბრწყინვალებით.

იესო ქრისტემ მე და თქვენ ჩვენი ცოდვებისგან გადაგვარჩინა და ყველას ამ მსოფლიოსთვის წყლისა და სულის სახარების, ხსნის ნამდვილი ჭეშმარიტების ქადაგების უნარი მოგვცა. და იესო ქრისტე, ჩვენი ღმერთი, შეგვპირდა რომ ის კვლავ დაბრუნდება ამქვეყნად და ჯილდოს მიუზღავს 'ხორბალს', ხოლო სასჯელს - 'ბზეს' (მათე 13:30). იესო ქრისტეს მეორედ მოსვლის დროს, ის ჩვენ, ვინც ყველა ჩვენი ცოდვისგან წყლისა და სულის სახარების რწმენით განვთავისუფლდით, მოგვცემს მასთან ერთად მთელი დიდებით და ბრწყინვალებით დატკბობის უნარს. ღმერთი შეგვიყვანს სამოთხეში და მასთან ერთად მარადიული ცხოვრების უფლებას მოგვანიჭებს.

1 იოანეს 3:3-ში ნათქვამია: „ყოველმა, ვისაც ეს იმედი აქვს მასში, განიწმიდოს თავი, როგორც ის არის წმიდა". თუ ჩვენ მართლაც ხელახლა ვიშვით იესო ქრისტეს, როგორც ჩვენი მხსნელის რწმენით, მაშინ მასთან მოახლოვებსითვის ჩვენ უნდა გამოვასწოროთ ჩვენი მცდარი ქმედებები წყლისა და სულის სახარების სიტყვისადმი რწმენით. ეს არ ნიშნავს იმას რომ ჩვენ ისევ ცოდვილები გავხდებით თუ ჩვენს მცდარ ქმედებებს არ შევასწორებთ. მაგრამ ჩვენ მაინც ჩვენი გული მუდამ წყლისა და სულის სახარების ამ რწმენით უნდა განვიწმინდოთ, რომელმაც სამყაროს ცოდვებისგან გადაგვარჩინა.

ამის მიზეზი ის არის რომ ჩვენ ვეკუთვნით იმათ რიცხვს, ვისაც იესო ქრისტესთან, ჩვენს ღმერთთან მარადიულად ცხოვრების იმედი აქვთ. წყლისა და სულის სახარების რწმენით, თქვენ და მე უნდა გვწამდეს ამ ჭეშმარიტი ღმერთის, იესო ქრისტესი, რომელმაც განგვწმინდა წუთისოფლის ცოდვებისგან, მარად შევინახოთ ჩვენი სულები სიწმინდეში და ასევე რწმენით ვემსახუროთ ამ ღვთისგან ბოძებულ სახარებას. ყველა ჩვენგანმა არა მხოლოდ ვიცით, არამედ გულითაც გვწამს რომ ჩვენი უფალი, თავად ღმერთი, მოვიდა ამ დედამიწაზე ჩვენი ცოდვების მოსაშორებლად, იტვირთა ეს ცოდვები თავის მხრებზე, მოინათლა, მოკვდა ჯვარზე და მკვდრეთით აღდგა. და ამით მან გვიხსნა ჩვენ, წყლისა და სულის სახარების მორწმუნეები, ყველა ჩვენი ცოდვისაგან.

როგორც ასეთი, ჩვენ უნდა გვესმოდეს რომ წყლისა და სულის სახარების რწმენით ჩვენ ყოველთვის შეგვიძლია ჩვენი გულების განწმენდა.

ღმერთის სიყვარული განსხვავდება მამაკაცსა და ქალს შორის სიყვარულისგან

'ეროსი' მამაკაცსა და ქალს შორის სიყვარულს აღნიშნავს. ეს სიყვარული საწინააღმდეგო სქესებს შორის, არის ხორციელი ვნების სიყვარულის პროდუქტი. ყველა მამაკაცი და ქალი ერთმანეთისგან ხორციელ სიყვარულს ეძებს, თავიანთი ხორცის ვნების დასაკმაყოფილებლად, და ამიტომ ეს ძირითადად ეგოისტური სიყვარულია.

უნდა გავაცნობიეროთ რომ ჩვენს ადამიანურ სიყვარულში არ არის არც უპირობო მსხვერპლი, არც უპირობო გაგება, არც თვინიერება და არც სიწმინდე. ასევე, ეს სიყვარული საპირისპირო სქესებს შორის სამუდამოდ არასოდეს გრძელდება. შეიძლება ზედაპირულად ჩანდეს თითქოს ის მუდმივია, მანამდე სანამ ჩვენი საყვარლების მიმართ ვნება გვაქვს. მაგრამ ამგვარი აზრის მქონეებისთვის ეს მხოლოდ მირაჟია. ადამიანურ სიყვარულში ვერასოდეს იქნება აგაპე, ანუ ღმერთის სიყვარული. ეროსი გაცილებით დაბალი დონის სიყვარულია, ისე რომ ის ვერასდროს შეედრება ღვთის აგაპე-სიყვარულს.

მშობლებსა და შვილებს შორის სტორგე-სიყვარულიც კი არ უახლოვდება ღვთის სიყვარულს. მეგობრებს შორის ფილეო-სიყვარული და ერთობა ასევე დამოკიდებულია ერთმანეთის მხარდაჭერაზე და გაგებაზე; ეს სიყვარული მთავრდება მაშინათვე რაც ასეთი ურთიერთგაგება ოდნავადაც შელახული ხდება.

ასე რომ, ორ ადამიანს შორის სიყვარული არის უშედეგო და მთავრდება იმწამსვე, რაც ისინი ერთმანეთს ზურგს შეაქცევენ. ამის საპირისპიროდ, აგაპე-სიყვარულში, რომელიც ღმერთმა იესო ქრისტეს მეშვეობით გაგვიცხადა, არ არსებობს რაიმე პირობა. მაგრამ სიყვარული ადამიანთა შორის, როგორიცაა მეგობრებს, ოჯახის წევრებსა და მამაკაცსა და ქალს შორის სიყვარული, მხოლოდ შეზღუდული და პირობითია.

ამასთანავე, ღვთის წყალობის სიყვარული, რომელიც ღვთაებრივი იესო ქრისტეს მიერ გამოვლინდა, პირობითი არ არის.

ჩვენ არ შეგვიძლია ღვთის სიყვარულის გაზომვა, ვინაიდან ის უსასრულოა. ღვთის ეს სიყვარული, რომელიც ჭეშმარიტი ღმერთის იესო ქრისტეს მეშვეობით გამოიხატა, არის ცალმხრივი, უპირობო და უსაზღვრო ხსნის სიყვარული, რომლის სიდიდე და სიღრმე განუზომელია (ეფესელთა 3:18-19). ღმერთისგან ასეთი უსაზღვრო სიყვარულის მიღება ჩვენს მოლოდინს აღემატება. მაგრამ ღმერთმა თვით სამყაროს დაარსებამდეც კი მოამზადა ასეთი აგაპე სიყვარული იესო ქრისტეში წყლისა და სულის სახარების მეშვეობით. ღვთის უსაზღვრო სიყვარული მაშინაც კი არსებობდა, როცა ჩვენ არ ვიცნობდით იესო ქრისტეს, ჭეშმარიტ ღმერთს, და ის შემდეგ სრულიქმნა მისი მეშვეობით. ეს არაა მხოლოდ სიტყვებით გამოხატული, არამედ ღმერთის სრულყოფილი სიყვარული, რომელიც პირდაპირ გამოგვეცხადა, რომლის განცდის საშუალება მიეცა ჩვენს სულებს და რომელმაც გვაქცია ღვთის შვილებად, ჩვენი ცოდვებისგან სრულყოფილი დახსნით.

ვინ არიან ისინი ვინც ღვთის წინაშე ურჯულობას სჩადიან?

1 იოანეს 3:4-ში ნათქვამია: „ცოდვის ყოველი ჩამდენი ურჯულოებასაც სჩადის; ცოდვა