Just E(A)RLY

By Pukloy

Uutang na naman ako. Tapos kapag sinabi kong ito ang uutangan ko, bawal daw. Bakit may limitasyon? Nagbabayad naman kami, ah. Nakakainis talaga. Ang dami-dami pa niyang sinasabi – lahat naman ay mga kalokohan. Hindi naman niya ako niloloko, ang buong purok lang. May lihim-lihim pa siyang nalalaman. Bakit namin alam? Hindi siya ang reyna ng purok na ito.

• Language: Tagalog
• Publisher: Pukloy
• Release date: May 31, 2022
• ISBN: 9781005244217

Book preview

Just E(A)RLY

By Pukloy

© 2022

Gud PM OFFICIAL

Sa pamamagitan ng Gud PM Writings

ISBN-13 (Smashwords Store Only or epub): 9781005244217

Just E(A)RLY

Sa panulat ni Pukloy

Reserbado ang lahat ng karapatan. Walang anumang bahagi ng aklat na ito ang maaaring kopyahin o ilathala sa pamamagitan ng elektroniko, paglilimbag o sa anumang paraan nang walang nasusulat na pahintulot mula sa awtor o sa sumulat.

Inilathala Hunyo 2022

Sa Smashwords at Wattpad

Ang mga pangalan ng tao, lugar at mga pangyayari sa aklat na ito ay nagkataon lang batay sa imahinasyon ng awtor sa pagbibigay-buhay sa kuwento. Walang sinuman ang pinariringgan o binabatikos na mga indibdwal o grupo sa aklat na ito.

Smashwords Store: https://www.smashwords.com/books/view/1149616

TUNGKOL SA AWTOR

Si Pukloy ay isang mag-aaral sa Senior High School na nag-aaral sa Asian Institute of Computer Studies sa strand na Humanities and Social Sciences. Siya ang founder at namamahala sa sarili niyang journal blog na Gud PM na naghahayag ng kaniyang mga interes, opinion at mga hilig bilang abokasyon. Siya rin ang awtor ng magasing Pop Mood na regular na lumalabas kada ikatlong buwan sa ISSUU. Sa ngayon, nag-a-apply siya upang maging rehistradong Author/Writer ng National Book Development Board (NBDB).

Makabuluhang Tsismis

Mula sa isang bahagi ng isang komunidad ay mayroong tinaguriang tsismis na pinangahulugang isang kasaysayan ng mga magkakapit-bahay na nagkakaalaman sa bawat isang pangyayari sa buhay na kanilang nakikita. Nais nating maintriga sa mga pangyayaring ito, nakaraan man o kasalukuyan, upang maging bukas ang isip sa sariling pinanggalingan. Maaaring maging usap-usapan ito sa sarili mong kapiligiran na tingin mo’y pinagkakatuwaan. Hindi ito talagang tsismis na ang dulot ay kamalasan sa isang tao, na sinisira ang pagkaganap niya bilang bahagi ng naturang komunidad. Ito ay pagiging mapanuri sa mga bagay na nangyayari sa kung sino man, na tinitingnan ang anggulo ng kahihinatnan at kung ano ang posibleng mangyari na maaaring may kinalaman sila. Inaalam nila ito na kung sakaling maging sukdulan ay nandiyan sila bilang tulong sa nawala, nagkulang o naagawan o tagaayos sa nasira, nagkaaway at maibsan ang mangyayari pa. Ito ay pakikialam sa pansariling isyu ng mas maliit na komunidad na kinabibilangan upang makamit ang pagkakaisa na walang itinatago.

Bagama’t hindi maiwasan ang mga pagmamalabis sa isang tunay na kuwento, na dinadagdagan ng mga palagay o opinyon, na maaaring ituring ng iba bilang bahagi ng istorya, ang mga ito ay