Haar ma was nog altyd dié rolmodel in haar lewe. En wanneer Shimmy Isaacs van haar moederlief praat, sien jy die poeletjies in haar oë opdam. Dis uit pure dankbaarheid, sê dié aktrise, skrywer en komediant oor haar ma, Frieda Baardman (60).
Om dié twee so saam-saam voor die kliekende kameras te aanskou, is bewonderenswaardig. Want, tipies Shimmy, laat waai sy hier en daar met ‘n grappie. Frieda lag uitbundig vir haar kind se geskerts.
Trouens, sou jy nie geweet het hulle is ma en dogter nie, sou jy sowaar gedog het dis susters dié.
Haar Shimmy (42), oftewel Shumonette (“met niks silent ‘t's’ nie”), was maar ‘n hiperaktiewe kind; ‘n regte tomboy, verklap Frieda. Een wat haar beslis nie aan enige tierlantyntjies gesteur het nie. En eintlik wou sy hê haar oudste moes ‘n klein lady wees wat eendag sielkundige moes