Toe die jong Afrikaans-onderwyser Cameron le Roux (De Klerk Oelofse) sy lieflingsvak by ’n plattelandse hoërskool begin gee, word hy al op die eerste dag wreed ontnugter. Die wiskunde-onderwyseres Inge Bester (Trix Vivier), alombekend as Juffrou X, lig hom in oor al die maatskaplike probleme by die Victory Heights Hoërskool, van armoede en tienerswangerskappe tot dwelms en bendegeweld.
Die donker wolke pak nog meer saam toe een van die belowendste matrieks, Cassandra Smith (Simone Neethling), deur haar jaloerse ekskêrel, Puma Stander (Craig Adriaanse), gedreig word. Om Cassandra te help, neem Inge die reg in eie hande,