MY LEWE
Hoe lui die sêding? Agter elke suksesvolle man is daar ‘n vrou met ‘n breë glimlag en ‘n baie swaar juk. Met die skryf van een so ‘n vrou se lewensverhaal, lê sy haarself en haar persoonlike juk bloot in ‘n vertelling wat beide aangryp én empatie ontlok.
Haar verhaal deel hoe sy in die skaduwee van een van ons land se suksesvolste mans moes cope met ‘n ongediagnoseerde geestesstoornis, wat haar vir jare lank byna lamgelê het.
Dié vrou, Phoebe Gerwel, weduwee van ons eie geliefde intellektuele, akademiese en politieke reus, wyle prof. Jakes Gerwel, deel in haar nuwe biografie haar reis saam met hom – van jong verliefdes tot verlies, apartheid en sy nadraai, haar “moods” en sy meteoric rise in aansien as ‘n president se regterhand, en later. Dié biografie, Phoebe, ‘n lewe saam met Jakes Gerwel, takel die steeds gestigmateerde geestesstoornis bipolariteit met die droë eerlikheid waarmee Rachelle Greeff, self ‘n veelbekroonde skrywer, joernalis en dramaturg, Phoebe se storie meesterlik gepen het.
Rachelle vertel Phoebe (75) se storie met deernis én doelgerigtheid, want dit bring die boodskap van die vrou agter die man wat jare lank in stilte ge-suffer het voor sy – in ‘n tyd toe sulke dinge nie eens oor gepraat is nie – met bipolariteit gediagnoseer is.
RACHELLE, DIE MENS
Op ‘n koel middag in Maart vertel Rachelle (66) vir oor haar eie journey met Phoebe en die ontslape Jakes. Phoebe s'n is die storie van ‘n vrou van haar tyd – gelowig, gedienstig en ondergeskik. Maar in haar geval, met ‘n groot spotlight permanent op