DIS NIE ONGEWOON DAT DIERE UIT DIERETUINE ONTSNAP NIE. MAAR SEWE SJIMPANSEES WAT TEGELYK ONTSNAP, IS ’N UNIEKE UITDAGING
DIS ’n ysige winteroggend in die dorpie Furuvik in Swede. Buite is dit −15 ºC, en selfs binne is dit so koud dat inwoners hulle in warm baadjies en hoede toewikkel.
Rickard Beldt, ’n dieretuinopsigter wat moet sorg vir die sjimpansees in die dorp se dieretuin, is in ’n vergadering oor gesondheid en veiligheid in ’n naburige stad toe sy foon lui.
Dis een van sy kollegas. Furuvik-dieretuin is net in die somer oop vir die publiek, maar op hierdie Desemberoggend is daar wel 35 mense op die perseel: ad-ministratiewe personeel, opsigters wat na die diere omsien en kontrakteurs wat die pretpark, bekend as Tivoli, opknap.
“Moenie vandag park toe kom nie,” sê sy aan Rickard.
Furuvik-dieretuin is die tuiste van sewe sjimpansees aangehou in hokke wat oor twee vlakke strek in ’n gebou wat die park “die aaphuis” noem. Die hokke is groen, bruin en geel gemerk en met hekke aan mekaar verbind. Vandag versorg twee van Rickard se kollegas, Lucas Eriksson* en Eva Lindgren*, die sjimpansees.
Vier uur tevore, teen die middaguur, het Lucas en Eva die hekke oopgesluit wat al die hokke met mekaar verbind sodat die sjimpansees vrylik kan beweeg. Die twee het deur ’n deur op die boonste verdieping van een van die hokke gegaan toe Lucas ’n vreemde gevoel kry. Bewaarders is veronderstel om dubbel seker te maak al die deure agter hulle is gesluit. Het hulle ooit daardie deur gesluit?
Toe hy opkyk, draai sy maag. Die deur op die boonste verdieping van die hok staan oop.
Hy hardloop met die trap op, maar dit
