’NMENS kan op die stoep sit en kla en swets, of jy kan moue oprol en help om self iets aan die saak te doen. Ja, daar is baie uitdagings in die land – veral op die platteland. Maar dis ook hier waar alledaagse helde inspring om ’n groot verskil in hul gemeenskappe te maak.
Kyk nou maar na die verhale wat onlangs gedeel is by ons susterspublikasie Landbouweekblad en die landboumaatskappy Senwes se kongres by Nampopark buite Bothaville.
Dié samekoms van verskilmakers van reg oor die land was eenvoudig getiteld “Oplossings vir die platteland” – en die meer as 70 sprekers het talle stories kom deel wat die vlam van