Slangetjies en leertjies
Toe die grendeltyd einde Maart verlede jaar in Suid-Afrika ingestel is, het inwoners van Durban belangstellend gekyk hoe ’n groot, leë erf naby Noordstrand begin verander het. Eers het die Thekwini-munisipaliteit twee groot, wit tente opgerig as tydelike skuiling vir hawelose en werklose mense. Nie lank daarna nie het verbygangers nog ’n verandering opgemerk. ’n Groep van 20 mense het swetend in die warm son die grond tot netjiese beddings bewerk.
Gesonde groente het gou hul verskyning gemaak, met net koeimis as bemesting, en aangehelp deur water en ’n deklaag. Hulle het hul tuin die
