‘EK IS TROTS OP DIE MA WAT EK VIR MY KINDERS IS, DIE VROU WAT EK VIR MY MAN IS, EN DIE SAKEVROU WAT EK. GEWORD HET’
DESTYDS het die opskrif op Huisgenoot se voorblad haar mylpaal uitbasuin: “Mej. Manjifiek word mondig!”
Dit was haar eerste Huisgenoot-voorblad van haar eie, haar eerste as ons volwaardige voorbladster.
In daardie uitgawe van 10 Maart 2005 het Huisgenoot berig oor die model se glanspartytjie om haar 21ste verjaardag te vier. Daar was 600 mense by die makietie in ’n nagklub in Kaapstad, en dis gehou in dieselfde tyd toe sy haar eerste groot oorsese modelkontrak geteken het.
Haar loopbaan gaan blink wees, het Huisgenoot toe voorspel oor die Kaapse blondine wat op 15 die eerste keer op ons modeblaaie gepronk het. Ons het ook berig: “Eendag wil sy trou en kinders hê.”
En kyk nou net.
Dis 19 jaar en meer as 20 Huisgenoot-voorblaaie later, en ál haar drome van destyds het waar geword. Die loopbaan. Die gelukkige huwelik. Die kinders.
En vandeesweek vier ons weer ’n mylpaalverjaardag saam met een van ons gewildste voorbladsterre ooit.
Want Minki van der Westhuizen word 40, en
