DIT was nie wat sy vir haar kind gedroom het nie. Sy weet maar alte goed presies wat die eise van ’n lewe voor die kameras behels.
Kort ná haar dogtertjie se geboorte het sy destyds aan Huisgenoot gesê sy wil glad nie hê haar dogter moet eendag in haar voetspore as skoonheidskoningin volg nie. Sy het vertel in dié leefstyl val die klem gans te veel op hoe ’n mens lyk – alle oë is gedurig op jou privaat lewe.
“Maar dit lyk vir my die kind het toe uitgekom met ander planne,” sê Cindy Nell-Roberts (41) vandag met ’n glimlag.
Die voormalige Mej. Suid-Afrika en sakevrou se spruit is op 10 nie net mooi soos haar ma nie, sy is ook mal oor als wat met mode, skoon-heid en glans te doen het.
Aenea het al op die ouder-dom van vyf in skoonheid begin belangstel, en is van-dag ’n kidfluencer met haar eie YouTube-kanaal, Aenea’s Amazing Adventures, wat op mode en skoonheid fokus. Die kanaal is deur haar modelma geïnspireer.
Op haar Instagram-en TikTok-blad kry enigeen ’n kykie in haar
