HULLE sit eg Suid-Afrikaanse geregte voor aan Amerikaners en verkoop bunny chow en frikkadelle in die strate van San Francisco. Hulle het ook al in twee gewilde kookprogramme op televisie verskyn.
Maar daar’s nog iets wat hulle interessant maak: Hulle is ’n tweeling, en was onlangs deel van ’n baie insiggewende eksperiment.
Die susters Pam en Wendy Drew is te sien in die nuwe Netflix-dokkie You Are What You Eat: A Twin Experiment, en die program deel verrassende lesse.
Die dokumentêre program in vier dele vergelyk die gesondheidsvoordele van ’n plantgebaseerde dieet met een wat vleis, eiers en suiwel insluit. Dis gegrond op ’n studie van agt weke lank deur die Stanford-universiteit waarin 22 stelle identiese tweelinge verskillende diete gevolg het. Die