’n Liefde vir kos wat aan sy ouma se rokspante begin het, het vandag uitgeloop op ‘n booming besigheid met liplekkerkos wat sy mense uplift en laat smul! En dis nog net die begin vir Anwar Arendse en sy vrou, Gabriella.
Destyds toe hulle nog saam op hoërskool was, was hy te “irriterend” vir haar, vertel hy. Maar die wiel draai. Toe hulle weer hul oë uitvee, toe spat die vonke en raak hulle liefde vir mekaar en lekker kos toe sommer ook die hoofbestanddele in The Hood Kitchen Mitchell's Plain, hul eetplek waar hulle gourmet-kos in die hartjie van die Kaapse Vlakte bedien.
Hul menu bestaan uit net sewe hoëgehalte tuisgemaakte geregte en dit laat nie net locals soontoe stroomEn daai diepe trots op hul albei se wortels is juis wat Anwar (27) en sy vrou van die afgelope vyf jaar, Gabriella (28), in voeling met die gemeenskap hou. Behalwe vir hul eie drie liefies, dogters Gianna (5) en Aria (2), en seuntjie, Amari (drie maande), het die paartjie ook ‘n liefde vir bemagtiging onder die jeug, en om ‘n platform vir ander entrepreneurs te skep.