AS KIND het hy gekyk toe sy ma vir tuisnywerhede gebak het. Toe al het hy besluit hy kan eendag ’n lewe uit kos maak.
Maar daar was geen kitsresep vir sukses nie, sou Bertus Basson (44) ontdek. Hard werk, vasbyt, “baie sigarette” en ja, hardkoppigheid het sy drome waar gemaak.
Vandag is hy een van ons suksesvolste en bekendste kosghoeroes. Maar die topsjef en aanbieder van die kykNETreeks Kokkedoor: Vuur & Vlam se pad na roem was alsbehalwe gelyk.
Om sy eerste kosonderneming te begin, moes hy destyds letterlik sy bankrekening leeg trek, vertel Bertus vandag in sy huis in Jamestown buite Stellenbosch. “Almal het gesê ek gaan dit nie maak nie. Dan wil ek juis nie opgee nie – ek’s soos