AS JY fabelagtig ryk, beroemd en suksesvoller as enigiemand anders in jou bedryf is, sal daar suurknolle wees wat nie van jou hou nie.
Vra maar vir Taylor Swift. Die giftonge het begin klap die dag toe sy almal anders in die kollig begin oorskadu.
Kritici kla sy is nie talentvol genoeg om soveel sukses te verdien nie, dat sy met ouens uitgaan (en liedjies oor hulle skryf) net om publisiteit te kry, en dat sy te veel oor haar dramas op haar albums uitlap.
Maar dis oukei. Vir elkeen wat Taylor haat, is daar miljoene wat haar aanbid.
Sy keer die musiekbedryf op sy kop. By die onlangse Grammys het sy die vierde keer die prys vir album, die eerste musikant wat dit vier keer wen.
