Dis net mýne!
Ons het in November 2023 in die Sandrivierboskamp in die Krugerwildtuin gebly. Dis naby die Skukuza-ruskamp en word deur Sanparke se ereveldwagters bestuur. Ons het een middag net buite die kamp op hierdie luiperd en sy vangs afgekom. Hiënas het onder die boom gewag en die rooibok se lam het onder ’n bos weggekruip.
Ons het veilig foto’s uit ons voertuig geneem totdat die luiperd homself uit die voete gemaak het – kyk net daardie oë!
Die volgende oggend het ons saam met ’n gids in die gebied gestap en net die rooibokkarkas was oor. Wat ’n ongelooflike ervaring!
EMILL HABIG, Vereeniging
SKRYF AAN ONS EN WEN!
Hierdie kollig is herlaaibaar en lewer ’n sterk ligstraal van tot 6 300 lumens oor ’n afstand van tot 1 100 m. Dit het vyf modusse en verskaf lig vir 2,5 tot 40 ure afhangend van die modus wat jy gebruik. Die huls is duursaam met ’n rubbergreep en dit lei hitte weg van die LED-lig om dit te beskerm. Die lig het ’n USB-C-laaier en ’n motorlaaier, asook ’n los rooi lens wat jy kan gebruik om snags wild te