’n Geveg in vlug
Ons het onlangs by die Sunsetdam naby Onder-Sabie in die Krugerwildtuin vir oggendkoffie stilgehou toe ons ’n reusevisvanger op die wal van die studam sien sit wat aanhoudend skreeu.
Groot was ons verbasing toe ’n tweede visvanger ook daar kom sit en ons het na ons kameras gegryp. Die twee visvangers het mekaar vir ’n lang ruk net aangegluur en toe skielik het hulle mekaar aan die keel gegryp.
Dit was die begin van ’n groot geveg – op die wal, in die lug, terug op die wal... hulle het mekaar selfs in die dam gegooi! Ná ’n doodse stilte het net een visvanger uit die water verskyn en ons het gedink die ander voël het verdrink, maar ná ’n paar minute het hy met ’n spoed weggevlieg. Wat ’n belewenis!
MARIE BOTHA, BOKSBURG
Marakele mag maar
Ek het in Maart 2023 die 10 km-wedloop van die Marakelemarathon in die
