RUBRIEK
Wanneer ’n stedeling se oë tam raak van in teer vaskyk, moet jy net ’n draai deur ’n park gaan stap. Johannesburg het Zoo Lake, in Kaapstad is Kirstenbosch, Kopenhagen is bekend vir sy Fælledparken en in Londen mik die mense Hyde Park toe.
New York – waar ek 20 jaar lank gewoon het – het meer as 1 700 parke! Die twee wat ek graag besoek het, was Central Park in Manhattan en die minder bekende Prospect Park in Brooklyn.
Albei dié parke is deur die argitekte Frederick Law Olmsted en Calvert Vaux ontwerp, en húlle gunsteling was glo Prospect Park, wat vanaf 1865 oor ’n tydperk van drie dekades gebou is.
Waar Central Park deur paaie opgekerf word en deur wolkekrabbers omring word, laat Prospect Park ’n mens makliker vergeet dat jy in ’n