Wanneer jy in die spieël kyk, voel daai wilger latlyfie van jou 20's soos ‘n vae herin nering. Soos die jare aangestap het, het die lastige rolletjies om jou middellyf gevorm – en gebly, maak nie saak wát jy probeer nie.
Voorheen het dit gewerk as jy ‘n dieet of gesonder leefstyl volg, maar nou… tevergeefs.
Jy is nie alleen nie, sê kenners. Gewigsverlies ná 50 is moeilik, veral vir vroue, wat met die gevolge van die menopouse moet kophou. Vet om jou middellyf kan jou blootstel aanallerhande gesondheidsrisiko's – en ‘n paar eenvoudige veranderings aan jou leefstyl kan ‘n groot verskil maak aan jou gesondheid. Dit kan ook help om daai ekstra rolletjies af te skud.
