’N MIDDELLYF IN JOU MIDDELJARE? SÓ SKUD JY DIE VETJIES AF

WANNEER jy in die spieël kyk, voel daai vietse figuur van jou 20’s soos ’n vae herinnering. Namate die jare aangestap het, het die ongewenste rolletjies om jou middellyf gevorm – en gebly, maak nie saak wát jy probeer nie.

Voorheen het dit gewerk as jy ’n dieet of gesonder leefstyl volg, maar nou … tevergeefs.

Jy is nie alleen nie, sê die kenners. Gewigsverlies ná 50 is moeilik, veral vir vroue, wat met die gevolge van die menopouse moet kophou.

Maar om onnodige ekstra kilo’s om jou middellyf net te aanvaar en te glo daar’s niks wat jy kan doen nie is nie altyd ’n goeie idee nie. Vet om jou middellyf kan jou blootstel aan allerlei gesondheidsrisiko’s – en ’n paar eenvoudige veranderings aan jou leefstyl sal van groot waarde wees vir jou gesondheid. En