OP SY selfoon soek hy met bewerige hande na daardie laaste foto van sy donkerkopseun – daarop lyk die lenige jong man amper onkant betrap; hy loer halfpad oor sy skouer in die rigting van die kamera.
Sy tienerseun – sy oudste – was so kamerasku dat hy altyd planne moes bedink om hom voor die lens te kry.
“Hy het altyd snaakse gesigte op foto’s getrek,” vertel Gideon Oosthuizen (49) oor sy seun, Werner (16).
Hy staar strak voor hom uit, sy uitdrukking byna emosieloos.
“Ek het hom daardie dag sommerso in die loop teruggeroep. Toe hy omkyk, toe neem ek die foto,” onthou hy.
Die foto was eintlik net veronderstel om ’n aandenking van hul vakansie in Suid-Afrika te wees; iets wat hulle met geliefdes sou deel, vertel Sonja (47), Werner se ma.
Die egpaar, wat uit Australië kom kuier het, het hul avontuurlustige