‘EK HOOR die mense noem my die hart van Knysna. Al wat ek wil doen is om mense gelukkig te maak. Ek vat daai naam en dra dit met trots. Een van die bewaarders van die siel van die dorp. Hier waar ek sedert 2000 bly.
Ek is nou al langer as twintig jaar hier. In die binnehof van die Woodmill Lane-winkelsentrum. Elke dag van die week, behalwe Sondae. Op die oomblik. As dit ééndag weer besiger raak op die dorp …
Die glimlagte op die gesigte van inwoners en besoekers wat wel hier verbykom, is vir my genoeg.
Daar was altyd ’n hondjie by my. Jock. Oe, dis seer om te praat oor sy dood
