Jou kind se graad 1-jaar lê voor die deur. En in die haasbekglimlag kan jy sien die opgewondenheid ken geen keer nie. Die tassie staan gepak, met alles van vetkryte en boeke-sakkies tot tissues. Jy is gereed om die naelstring te knip en hulle die grootskoolwêreld in te stuur.
Maar het jou kind ál die ontwikkelingsmylpale bereik wat hul slaggereed vir hul eerste skooljaar maak? Is jou kind fisies, intellektueel, emosioneel en geestelik gereed vir dié groot stap? “Baiekeer dink ouers hul kinders is skoolgereed omdat hulle sewe word in hul eerste skooljaar, maar skoolgereedheid kan nie net aan ouderdom gekoppel word nie,” sê die Johannesburgse opvoedkundige sielkundige Elizabeth
